Mbrëmjen e djeshme një tërmet i fuqishëm ka goditur brigjet e El Salvadorit.
Shërbimi Gjeologjik i SHBA (USGS), tha se tërmeti ishte me magnitudë 6.1 ballë dhe goditi në Oqeanin Paqësor, rreth 60 kilometra në jug-jugperëndim të qytetit të La Libertad, El Salvador, në një thellësi fokale prej 33.9 kilometra. Raportohet që nuk ka viktima ose dëme serioze.
Reuters thotë që tërmeti u ndje në kryeqytetin San Salvador dhe në Guatemalën fqinje.
