Kontingjenti shqiptar i KFOR-it në Kosovë ka nisur menjëherë stërvitjen për menaxhimin e trazirave dhe turmave të dhunshme, pas marrjes së detyrës në misionin ndërkombëtar.
Forcat shqiptare, të angazhuara përkrah kolegëve nga vendet aleate, janë të përgatitura të ofrojnë mbështetje 24 orë në ditë për të siguruar një mjedis të qetë dhe për të mbrojtur lirinë e lëvizjes në të gjithë territorin e Republikës së Kosovës.
Kjo stërvitje është pjesë e angazhimeve të vazhdueshme për ruajtjen e stabilitetit dhe sigurisë në Kosovë, duke përfshirë përgatitjen për situata emergjente që mund të shkaktojnë trazira. Angazhimi i trupave shqiptare në këtë stërvitje thekson përkushtimin e Shqipërisë në mbështetje të misionit të KFOR dhe në forcimin e stabilitetit në rajon.
