Presidenti Bajram Begaj gjatë vizitave shtetërore në Republikat Baltike ka ndaluar edhe në Lituani. Ceremonia e pritjes u zhvillua në pallatin presidencial “Golden Gate”.
Begaj u takua me homolgun Gitanas Nauseda ku u diskutua forcimi i bashkëpunimit politik dhe ekonomik mes dy vendeve, si dhe anëtarësimi i Shqipërisë në BE.
Pas takimit me homologun Nauseda, Presidenti Begaj bëri të ditur që “Linja Vilnus-Tiranë, 2 herë në javë nga qershori i vitit që vjen përmes “Air Baltic”, është lajmi që sapo morëm nga Presidenti i Lituanisë”.
Gjithashtu Begaj i përcolli homologut Nausedas mirënjohjen për kontributin e Lituanisë në KFOR, si dhe mbështetjen e plotë për anëtarësimin e Kosovës në organizmat Euroatlantike.
