Nënkryetari i Grupit Parlamentar të Partisë Socialiste, Toni Gogu gjatë fjalës në Kuvend në debatin për ndryshimet në Urdhrin e Mjekut, u ndal tek skandali te Onkologjiku. Ai theksoi se duhet një pikë kthese.
“Urgjenca është e qartë. Nevoja është e pamohueshme. Le t’i kalojmë këto ndryshime jo thjesht si një detyrim ligjor, por si një imperativ moral.
Qytetarët e Shqipërisë po shikojnë dhe kanë besim tek ne për të ofruar sistemin e kujdesit shëndetësor që meritojnë – transparent, të përgjegjshëm dhe gjithmonë në shërbim të mirëqenies së tyre. Një thirrje zgjimi që na detyron të veprojmë jo më vonë, jo pasi të jetë bërë më shumë dëm por tani”, u shpreh Gogu.