Lideri i opozitës, Sali Berisha, iu drejtua shqiptarëve në një fjalim duke e quajtur pushtetin aktual një “kalbësirë” që do të shembet me sulmin e parë.
Ai kritikoi pushtetarët e rilindjes për përdorimin e kodëve mafioze për të fshehur vjedhjet dhe abuzimet. Berisha akuzoi Erion Veliajn dhe Edi Ramën për shpërdorimin e fondeve dhe për ndihmën që u kanë dhënë hajdutëve.
Ai përfundoi me thirrjen për mobilizim të qytetarëve dhe protestë për të ndryshuar situatën.
“Asambleistët përcollën me përçmim përveç Petro Koçit, që u ngrit, doli në rrugë, të tjerët nënqeshën, kurse ministrat, Zeusin e tyre e adhuronin vetëm e vetëm se i lë të vjedhin si atë.
E bëra këtë ekspoze para jush miq, për t’u thënë shqiptarëve se ju nuk u mungon guximi, për t’u thënë të gjithë shqiptarëve se këta që keni përpara si pushtet, këta janë një kalbësirë që shemben me sulmin e parë, me guximin e parë, me protestën e parë.
Të gjithë në këmbë, të gjithë në betejë.
Rrofshi ju, rroftë Shqipëria.
Fitore, fitore!”, përfundoi Sali Berisha.