Kreu i Partisë Demokratike, Sali Berisha, ka reaguar në Kuvend pas aksidentit tragjik që ndodhi në Durrës, ku një shofer i dehur i mori jetën dy fëmijëve.
Ai ka akuzuar qeverinë dhe ka cilësuar shoferin e dehur si “terrorist të votave”, duke theksuar se ky person duhet të ishte arrestuar më parë, por ka shpëtuar për shkak të lidhjeve me pushtetin.
“Të dalësh këtu dhe të flasësh për reformën në drejtësi, kur i përdorët 83 mandatet si thika krimi, nuk ka hipokrizi më ekstreme se kjo. Nuk ka hipokrizi sesa të bësh teori se kush janë të fortët, mor? Janë patronazhistë të poshtër, që terrorizojnë qytetarët për pushtetin e krimit. Ai duhet arrestuar 10 herë, por nuk është arrestuar asnjëherë se ishte terrorist i votave.”
