Altin Dumani, kreu i Prokurorisë së Posaçme, dhe Stefan Blättler, Prokurori i Përgjithshëm i Zvicrës, zhvilluan një takim në Bernë më 18 shtator 2024, për të diskutuar luftën kundër krimit të organizuar ndërkombëtar dhe korrupsionit.
Të dy drejtuesit theksuan përkushtimin për të intensifikuar bashkëpunimin midis zyrave të tyre, duke u mbështetur në legjislacionin e brendshëm dhe marrëveshjet ndërkombëtare. Ata nënvizuan rëndësinë e krijimit të një komunikimi të vazhdueshëm dhe shkëmbimit të përvojave, duke hapur mundësi për strategji dhe njësitë të përbashkëta hetimore.
Dumani dhe Blättler besuan se kjo frymë bashkëpunimi do të forcojë përpjekjet për një rend ligjor më të sigurt në të dy vendet dhe në rajon.
