Një nga dhjetëra episodet absurde të SPAK në dosjen “Berisha” dhe një ballafaqim i thjeshtë
Në paragrafët episodikë me parashtresa politike, SPAK paraqet si argument të korrupsionit pasiv dhe aktiv, por dhe të pastrimit të parave,
- a) pagesat që ARGITA MALLTEZI, paska bërë për konsultat e vizitat mjekësore për Z. BERISHA
- b) për pushime për çiftin BERISHA
- c) pagesat për studion ligjore për çështjen “non grata”.
Një logjikë e tillë e SPAK nuk qëndron as ligjërisht dhe as moralisht.
Madje është falsitet ligjor.
Së pari, pagesat e bëra janë te vetëdeklaruara dhe janë transmetuar në kanale të ligjshme me shuma të justifikueshme nga ana e tyre.
Së dyti, si mund të quhet korrupsion kur fëmijët, sipas mundësisë së tyre, paguajnë për shëndetin, apo mbështetjen e prindërve të tyre?!!!
Kujt neni të kodit i referohen prokurorët e SPAK?!
Madje moralisht këtë e ka detyrë ta bëjë çdo fëmijë.
Dhe kjo gjë ndodh çdo ditë në realitetin shqiptar.
Sipas SPAK çdo ndihmë e tillë e pranuar, na qenka krim, korrupsion pasiv!???
Ku është parë e dëgjuar kjo?!!!!
E tmerrshme kjo!
E kundërta do ishte krim moral zoti SPAK!
Së treti pagesat për studion ligjore, çifti Malltezi i ka bërë për veten e vet dhe sigurisht dhe për Z. Berisha.
Sipas SPAK të paguash një studio ligjore avokatie për mbrojtjen e vetes dhe babait na qenka krim. O tempo o mores! Çdo njeri sipas mundësisë financiare të deklaruar, zgjedh kë me don ai se e bën punën më mirë.
BALLAFAQIMI
Drejtësia Amerikane provoi se marrëdhënia mes Charles McGonigal dhe Agron Nezës ka “natyrë korruptive” dhe kjo lidhet me interesat e qeverisë shqiptare në Shtetet e Bashkuara të Amerikës.
McGonigal u pagua KESH, pra me para korruptive jo të deklaruara, nga NEZA për interesat e Kryeministrit. Por ky operacion korruptiv aktiv, pasiv dhe pastrim parash sade, nuk është ende krim për SPAK.
Madje ai që ka pasur qëllime korruptive në këtë aferë, RAMA, të cilat dhe i ka realizuar, ende nuk është thirrur as si dëshmitar. Mjafton ky ballafaqim i vogël për të provuar për të disatën herë, kapjen politike të SPAK dhe absurditetin e tij të akuzave dhe parashtrimeve politike ndaj zotit BERISHA dhe MALLTEZI.
