Presidentja Vjosa Osmani zhvilloi një takim produktiv në New York me ndihmëssekretaren amerikane për të drejtat e njeriut, Dafna H. Rand.
Ajo e informoi mbi angazhimet e institucioneve në forcimin e demokracisë dhe të drejtave të njeriut në Kosovë.
Osmani theksoi shqetësimet për pasivizimin e adresave të shqiptarëve në Luginë të Preshevës, duke e konsideruar këtë veprim si një formë spastrimi etnik nga Serbia.
“Në takim, ndër të tjera, ngrita edhe shqetësimin për shkeljen flagrante të të drejtave themelore të shqiptarëve në Preshevë, Bujanoc dhe Medvegjë, si dhe spastrimin etnik nga Serbia nëpërmjet masave administrative”.
Ajo kërkoi theksimin e nevojës për mbrojtjen e të drejtave themelore të shqiptarëve në këtë rajon.
