Naim Qassem, zëvendës sekretari i Hezbollahut, ka njoftuar se grupi është i gatshëm për një ofensivë tokësore nga Izraeli dhe se operacionet e deritanishme janë vetëm “minimumi”. Ai theksoi se beteja mund të zgjasë dhe bëri thirrje për durim.
Qassem shprehu angazhimin e Hezbollahut për të vazhduar luftën ndaj Izraelit, duke u fokusuar në mbështetje për Palestinën dhe mbrojtjen e popullit libanez, pavarësisht humbjeve të liderëve të grupit dhe sulmeve ndaj civilëve.
Ai u shpreh se do të vazhdojnë rezistencën islame me vendosmëri.
“Ne do të jemi të palëkundur. Do të vazhdojmë rezistencën islame. Ne do të vazhdojmë të përballemi me armikun izraelit në mbështetje të Palestinës dhe Gazës dhe në mbrojtje të popullit tonë libanez”, tha ai.
