Kreu i grupit parlamentar të Partisë Demokratike Gazment Bardhi nga takimet në Rreth Libosh të Fierit u ka bërë thirrje shqiptarëve që të marrin pjesë në protestën e 7 tetorit në orën 18:00.
Me anë të një postimi në rrjetet sociale Bardhi shprehet se qytetarët janë më të vendosur se kurrë që ti tregojnë Ramës se 132 vjet janë kohë e humbur.
“Shteti personal i Edi Ramës shtyp të pamundurit dhe mbron kriminelët dhe të korruptuarit. Është detyrë dhe mision i çdo qytetari të ndershëm që të reagojë ndaj tentativës së Partisë Socialiste për të zhbërë shtetin ligjor, dhe për të instaluar shtetin personal të Edi Ramës.”, shkruan ai.
