Gjatë inaugurimit të Xhamisë së Namazgjasë në Tiranë, Presidenti turk Rexhep Tayyip Erdogan shprehu falënderime për Kryeministrin Edi Rama dhe shqiptarët për kontributin e tyre në ndërtimin e kësaj xhamie, që e cilësoi si më të madhen në Ballkan.
Ai theksoi emocionin e tij për praninë në këtë vend të shenjtë dhe shprehu dëshirën që xhamia të sjellë dobi për të gjithë besimtarët.
“I nderuar kryeministër Edi Rama, miku im i çmuar, motra dhe vëllezër shqiptarë të ftuar dhe miq, ju falënderoj përzemërsisht. Sot jam shumë entuziast dhe i lumtur që jam këtu me ju. Gjithsecilin nga ju e falënderoj për këtë emocion që më dhuruat. Jam me fat sot që ndodhem në këtë ambient të shenjtë…Shpreh falënderimet më të thella për kryeministrin e Shqipërisë, Edi Rama për të gjithë mbështetjen dhe gjithë shqiptarët që kanë kontribuar sadopak në realizimin e kësaj vepre madhështore”, tha ai.
