Nënkryetari i Partisë Demokratike Luçiano Boçi i ftuar në një emisionin “Kjo javë”, në News 24 foli rreth protestës që opozita mbajti me 7 tetor.
Boçi tha se mosbindja civile ishte e veçantë, pasi udhëhiqej nga qytetarë, në instituciuonet ku ata dëshironin që të shprehnin pakënaqësi.
Ai theksoi se kjo mosbindje civile nuk kishte një skenar por vetëm një parashikim të mënyrës së lëvizjes.
“Ka pasur raste që jemi goditur me spraj direkt. Zona e parlamentit u mbyt me gaz. Policia duhet të sillet korrekt dhe mos të sillet si e lënduar, fundja çdo person e ka zgjedhur atë profesion me ndërgjegje të plotë, është profesion, që i duhet edhe të përballet. Policët janë njerëz, që kanë profesionin e tyre. Një qytetar u dogj. Ishte e tmerrshme. Shumë vetë thanë se polici hodhi flakën tutje nga instikti, por nuk ishte instikt.”, tha Boçi.