Gjykata e Roterdamit liroi të premten tre shqiptarë, që dyshohej se ishin përfshirë në kontrabandën e 200 kilogramëve kokainë nga Belgjika në Holandë.
Një i dyshuar i katërt, 25-vjeçar është dënuar me tre vjet burg. Një çelës në makinën ku u gjetën 200 kilogramë kokainë çoi në zbulimin e një vendi tjetër, ku policia gjeti 22 kilogramë të tjerë.
Operacioni u zhvillua më 17 qershor 2024 kur policia mori një raport mbi sistemin ANPR të kamerave të vëzhgimit në autostradën A16 të dy makinave të dyshimta që kaluan menjëherë kufirin holandez përmes autostradës dhe hynë në Belgjikë.
Dy makinave iu bashkua edhe një makinë e tretë (Volkswagen Passat me targa gjermane), duke ngritur dyshimin se tre makinat ishin bashkë. Më pas u vendos që të kontrolloheshin makinat.
Në Roterdam, Dogana ndaloi Peugeot-in e një 25-vjeçari shqiptar. Në sendiljen e pasme u gjetën katër çanta sportive të ngjitura. Në bagazh u gjetën edhe tre çanta sportive me të njëjtën përmbajtje. Për shkak se Dogana dyshonte se bëhej fjalë për drogë, 25-vjeçari shqiptar u arrestua.
