Presidenti i Partisë së Lirisë, Ilir Meta, ka reaguar ashpër ndaj ngjarjes në Kuvend, ku PD akuzon se deputeti Luan Baçi u kërcënua me armë nga një efektiv i Policisë.
Ai dënoi këtë veprim si një akt kriminal dhe antiligjor, duke theksuar se përfaqësuesit e popullit po kërcënohen nga struktura të inkriminuara.
Meta e quajti këtë ngjarje një dëshmi të inkriminimit të Policisë në shërbim të mafies në pushtet dhe kritikoi se si Narkoshteti jo vetëm që përndjek opozitën, por e kërcënon edhe me jetë.
Ai përfundoi duke thënë se e vetmja alternativë përballë kësaj “junte” është përballja dhëmb për dhëmb deri në përmbysjen e saj.
