Ish deputeti i partisë Socialiste Jurgis Çyrbja u arrestua ditën e sotme me urdhër të Prokurorisë së Posaçme kundër Korrupsionit dhe Krimit të Organizuar.
Ai pak ditë më parë dorëzoi mandatin e tij dhe më pas SPAK njoftoi marrjen si të pandehur për “shpërdorim detyre”.
Çyrbja u akuzua nga deputeti demokrat Edi Paloka për shpërdorim detyre në kohën kur ishte drejtues i Hipotekës së Durrësit, pasi dyshohej se kishte favorizuar Emiljano Shullazin për të përfituar prona në Durrës.
Gjithashtu ai dyshohet se gjatë zgjedhjeve të vitit 2021 ka ndërhyrë që të jepeshin legalizime për çështje votash.
