Ndihmëssekretari amerikan i Shtetit, James O’Brien, qëndroi në Kosovë pas takimit me Presidentin serb, Vuçiç, duke theksuar se asociacioni i komunave me shumicë serbe është një hap i rëndësishëm për normalizimin e raporteve mes Kosovës dhe Serbisë.
“Asociacioni është një hap i rëndësishëm. Është e rëndësishme të shënohet përparim edhe para formimit të asociacionit. Obligimet ekzistojnë që nga viti 2015, kur u nënshkrua marrëveshja për asociacionin. Nuk mund t’iu ofroj një afat kohor, por më e rëndësishmja është që serbët të jetojnë sikurse qytetarët evropianë”.
Ai kërkoi përparim në zbatimin e marrëveshjeve që datojnë që nga viti 2015 dhe theksoi nevojën për integrimin e serbëve në Kosovë si qytetarë evropianë. O’Brien gjithashtu mirëpriti hapjen e pikëkalimit kufitar në Merdarë për mallrat serbe.