Ditën e nesërme presidentja e Komisionit Europian Ursula von der Leyen do të vizitojë Tiranën.
Von der Leyen pritet që të mbërrijë në Kryeministri në orën 15:00, ku do të zhvillojë një takim me Edi Ramën. Më pas ato do të zhvillojnë një konferencë të përbashkët për shtyp.
Ndërsa rreth orës 17:00 Rama dhe Ursula von der Leyen do të marrin pjesë edhe në ceremoninë e hapjes së Kolegjit të Europës.
Gjithashtu një ditë më pas Von der Leyen do të zhvillojë edhe një takim me Presidentin Bajram Begaj. Nga aty ajo do të niset për në Maqedoninë e Veriut ku do të takohet me autoritetet më të larta shtetërore atje.
