Deputeti demokrat për qarkun e Tiranës, Besart Xhaferri, nga fjala e tij sot në Kuvendin e Shqipërisë ka folur për procesin e integrimit të vendit në BE, duke u shprehur se problemi më i madh i Shqipërisë sot nuk është mungesa e dokumentave por mungesa e vullnetit politik pasi kjo qeveri e ka përdorur pushtetin për të forcuar kontrollin e saj mbi çdo institucion.
Postimi i Xhaferrit
Në BE u “integruam” sa i përket kostove dhe qirave që u rritën me 60% në 5 vite, teksa me të ardhurat, jemi ende krah Bosnjës!
Kostot e familjes shqiptare janë integruar me kohë në Bashkimin Evropian, pasi sot Tirana është ndër qytetet me kostot më të larta të jetesës në Evropë.
Por nuk ka ndodhur e njëjta gjë me të ardhurat e shqiptarëve, që vijojnë të jenë më të ulëtat në Evropë.
Në një kohë që qeveria u premton qytetarëve integrimin u ka ofruar vetëm mjerimin.
