Kancelari gjerman Olaf Scholz theksoi se Ukraina nuk ka mundësi për t’u anëtarësuar në NATO ndërsa është në gjendje lufte.
Në një intervistë për ZDF, ai shpjegoi se një vend në luftë nuk mund të bëhet anëtar i aleancës dhe se aktualisht po diskutohet për garancitë e sigurisë pas luftës.
“Është përgjegjësia ime dhe unë e kuptoj qartë këtë. Nuk do ta ndryshoj pozicionin tim,” u shpreh Scholz.
Scholz gjithashtu u shpreh se Gjermania po ofron mbështetje më të madhe për Ukrainën se shumica e vendeve evropiane dhe theksoi rëndësinë e një zgjidhjeje paqësore për konfliktin.
