Mbrëmja e djeshme ishte tragjike në Prishtinë. Një sherr me thikë mes dy vëllezërve çoi në një ngjarje të rëndë. Njëri prej tyre si pasojë e konfliktit mbeti i vdekur.
“Sipas informacioneve fillestare që kemi, bëhet fjalë për një mosmarrëveshje mes dy personave, ku dyshohet se njëri ka goditur personin tjetër me një mjet të mprehtë. Ekipi shëndetësor ka konstatuar se viktima nuk ka shenja jete.
Policia është duke u marrë me rastin dhe hetimet janë duke u zhvilluar nga njësitet kompetente për të sqaruar motivin apo rrethanat e tjera që kanë çuar deri te ky rast i rëndë”, njoftoi policia.
I plagosuri ndodhet në spital, sipas drejtorit të Emergjencës, Naser Syla. “Një i lënduar me armë të ftohtë, është duke u trajtuar në Qendrën Emergjente, për momenti janë duke u kry ekzaminimet e duhura, në gjendje stabile është”, tha Syla.
