Kryetari i grupit të PD-së, Gazment Bardhi ka reaguar duke dënuar sulmin ndaj eurodeputetit Fredi Beleri ditën e sotme në Tiranë. Përgjegjës bën kryeministrin Edi Rama.
“Sulmi fizik i orkestruar nga Edi Rama, në mjediset e jashtme të Kuvendit, ndaj eurodeputetëve është një akt që turpëron Shqipërinë.
Pasi i mbyllën derën në hyrje, më pas në dalje kaluan në sulm fizik, duke shkelur kodin e shenjtë të mikëpritjes dhe të harmonisë ndër etnike.
Pasi anulloi takimin në mënyrë të papritur me eurodeputetët, si skuth urdhëroi sulmin ndaj tyre, duke provuar edhe njëherë që nuk njeh limite ndaj kujtdo që nuk i shërben interesit të tij personal.
Në emër të Grupit Parlamentar të PD, dënoj me forcë sulmin fizik ndaj eurodeputetëve dhe i bëj thirrje organeve ligjzbatuese të veprojnë menjëherë” tha ai.
Momenti kur qëllohet me vezë drejt Fredi Belerit: Duhet të ishte në burg
