Policia e Korçës ka finalizuar fazën e dytë të operacionit antidrogë të koduar “Break”, duke arrestuar shtatë persona. Ky operacion erdhi pas një hetimi njëvjeçar në bashkëpunim me Prokurorinë e Korçës për shkatërrimin e një grupi kriminal që shiste lëndë narkotike pranë shkollave dhe në lokale nate.
Gjatë operacionit:
U arrestuan 7 persona, njëri prej tyre organizator i grupit.
U shpall në kërkim një shtetas tjetër.
6 shtetas u proceduan në gjendje të lirë.
U identifikua një bashkorganizator që aktualisht është i ndaluar në Itali.
Gjatë kontrollit, u sekuestruan lëndë narkotike (kokainë dhe cannabis sativa), shuma parash, 1 peshore elektronike, 3 automjete dhe 9 celularë.
Të arrestuarit përfshijnë:
A. M., 39 vjeç (organizator)
B. Gj., 37 vjeç
K. D., 27 vjeç
M. J., 19 vjeç
M. L., 34 vjeç
S. L., 37 vjeç
E. H., 27 vjeç
Gjykata ka caktuar masën “Arrest në burg” për të gjithë, ndërsa operacioni vijon.
