Në protestën që u mbajt dje nga opozita në rrethrrotullimin e Bradasheshit u arrestuan 3 persona. A.P., H.l., dhe E.P., të tre banues në Elbasan akuzohen për veprat penale “Organizimi dhe pjesëmarrja në grumbullime dhe manifestime të paligjshme”, “Pengimi i qarkullimit të mjeteve të transportit” dhe “Mosbindja ndaj urdhrit të punonjësit të policisë së rendit publik”.
Gjithashtu u proceduan në gjendje të lirë tre deputetët e Partisë Demokratike Tomorr Alizoti, Tritan Shehu dhe Qani Xhafa, si dhe 20 protestues të tjerë I. K., A. B., B. H., A. B., S. Sh., H. T., D. S., A. K., D. K., A. B., B. T., Y. B., Xh. I., E. Sh., A. M., P. P., A. T., S. P., N. P. dhe Q. Sh. Ndërsa janë shpallur në kërkim edhe L.T., G.C., dhe G.Ç.
Nga verifikimet e bëra ka rezultuar se E.P., H.L., dhe A. B kanë lënë 3 automjete në rrugë, me qëllim bllokimin e qarkullimit. Të tre automjetet janë lëvizur nga rruga dhe në përfundim të tubimit janë sekuestruar nga policia. Ndërsa një automjet tjetër është shpallur në kërkim.
Ndërkohë materialet i kaluan prokurorisë për veprime të mëtejshme.
