Ministri i Brendshëm Ervin Hoxha ka sqaruar një keqkuptim në lidhje me ushqimet që marrin punonjësit e policisë.
Hoxha u shpreh se është një pagesë rreth 110 mijë lekë të vjetra, që është ushqim dhe kalon drejtpërdrejt në vlerë në llogarinë e punonjësit të policisë.
“Ajo që po keqinterpretohet është pjesa e operatorëve ku punonjësi do ti shpenzojë këto para, nuk bëhet fjalë të jepet në formë kuponi apo tolloni, kjo para shkon tek efektivi në konton e hapur për këtë qëllim. Mënyra se si një punonjës policie në Pukë apo Vaun e Dejës duhet të shkojë tek një operator për t’i shpenzuar ato para, kjo është ajo që duhet të shikojmë.”, tha Hoxha.
