Gjykata Kushtetuese ka rrëzuar kërkesën e Sali Berishës për përjashtimin e gjyqtares Marsida Xhaferllari nga shqyrtimi i çështjes së tij, e cila përfshin ankimin mbi masën e sigurisë “detyrim paraqitje”.
Berisha pretendoi se Xhaferllari ishte bashkëjetuese me Enkeljed Alibeaj, dhe se kjo krijonte një konflikt interesi në shqyrtimin e çështjes. Megjithatë, trupa e gjykatës me shumicë votash e cilësoi kërkesën të pabazuar në prova dhe vendosi që Xhaferllari të mbetej pjesë e trupit gjykues.
Seanca për ankimimin e Berishës është caktuar për më 19 nëntor.
