Një ligjërues në Universitetin John Hopkins në SHBA Edward P.Joseph ishte në një lidhje direkt në KlanKosova dhe foli për marrëdhëniet Kurti-Trump. Ai u shpreh se raportet e kryeministrit të Kosovës dhe presidentin e ri të SHBA do të ndikohen dhe nga e kaluara.
Joseph tha se Kurti duhet të rikujtojë rënien e tij gjatë mandatit të parë kur në pushtet ishte administrata Trump në SHBA.
“A besoj unë se raportet e kryeministrit Kurti me administratën Trump do të ndikohen nga raportet e kaluara të tij me Richard Grenell, gjatë mandatit të parë të Trump përgjigja e qartë është po e besoj Kryeministri Kurti do të kujtojë se si u rrëzua Qeveria Kurti 1 do të kujtojë presionin që i është bërë por këtë do ta rikujtojnë edhe zyrtarët e administratës Trump”, tha Joseph.
