Kancelari gjerman Olaf Scholz zhvilloi një bisedë telefonike me presidentin rus Vladimir Putin, një veprim që ka shkaktuar reagime në Kiev.
Zyra e presidentit të Ukrainës, Volodymyr Zelensky, tha se presidenti ukrainas ishte informuar paraprakisht për këtë thirrje dhe se kishte shprehur shqetësimin se një takim i tillë mund të ndihmonte Rusinë të dalë nga izolimi dhe të vazhdojë luftën në Ukrainë.
Scholz e ka cilësuar bisedën si një mundësi për të kërkuar nga Putin të ndalojë luftën dhe të tërheqë trupat ruse nga territori ukrainas. “Kam folur me presidentin Putin dhe i kam bërë thirrje që të ndalojë agresionin dhe të tregojë gatishmërinë për të negociuar me Ukrainën për një paqe të qëndrueshme,” tha Scholz.
