Në mesnatë në zonën e Xhamllikut në Tiranë u vra me 5 plumba djali i ish gjyqtarit Fran Prendi. Autorët e kishin pikasur 30-vjeçarin Klaudio Prendi dhe teksa ai po futej në makinë tip Benz G-Class, autorët e kanë qëlluar me armë zjarri me silenciator.
30-vjeçarin e dërguan shokët e tij në spital por për shkak të plagëve të marra ka ndërruar jetë.
Autorët kanë kaluar në rrethin e Shkozës dhe në liqenin e Farkës kanë djegur një makinë tip Audi A4 ngjyrë gri. Më pas autorët janë larguar me një makinë tjetër që po i priste në zonën e Farkës.
