Me përfundimin e numërimit të votave me postë nga diaspora në Kosovë, Lëvizja Vetëvendosje ka siguruar një mandat shtesë, duke arritur në 53 deputetë në Kuvend.
Sipas rezultateve të reja, PDK mbetet me 22 mandate, LDK zbret në 18 deputetë, ndërsa AAK siguron 7 mandate. Ndryshime ka sjellë edhe mosfutja e disa kandidatëve, përfshirë Jeta Statovcin nga lista e LDK-së.
Komisioni Qendror i Zgjedhjeve pritet të rinumërojë 10% të votave përpara certifikimit përfundimtar të rezultateve, i cili mund të ndodhë brenda javës së ardhshme.
Pas përfundimit të procesit, pritet hapja e rrugës për formimin e institucioneve të reja, ndërsa vonesat në konstituimin e Kuvendit po shoqërohen me shqetësime për ndikimin në reformat dhe financimet ndërkombëtare.
