Presidenti amerikan Joe Biden ka mirëpritur marrëveshjen e armëpushimit ndërmjet Izraelit dhe Hezbollahut. Marrëveshja hyri në fuqi sot dhe ajo po respektohet nga palët në orët e para të saj.
Këshilltari për Sigurinë Kombëtare Jake Sullivon deklaroi se Shtetet e Bashkuara do të shtojnë përpjekjet e tyre që nga dita e sotme për të arritur një marrëveshje armëpushimi dhe për kthimin e pengjeve që ende mbahen atje.
Ndërkohë që udhëheqësit botërorë përshëndetën arritjen e kësaj marrëveshjeje, vëmendja u kthye sërish në konfliktin në Gazë. Presidenti Biden u zotua të martën se Shtetet e Bashkuara do të bëjnë përpjekje për arritjen e një armëpushimi në Gazë.
“Gjatë ditëve në vijim do të bëjnë edhe një përpjekje krahas Turqisë, Egjiptit, Katarit, Izraelit dhe aktorëve të tjerë në rajon, për të arritur një marrëveshje armëpushimi në Gazë”, tha ai.
