Presidenti i Serbisë Aleksandër Vuçiç thekson se Beogradi është i gatshëm që të bashkëpunoj me organizatat dhe institucionet për të hetuar mbi ngjarjen që ndodhi në Zubin Potok. Vuçiç thotë që nëse diçka e tillë është bërë nga nacionaliteti serb do të ndalohet dhe do të arrestohen në moment.
“E para, ne jemi të gatshëm për bashkëpunim të plotë në hetime metë gjitha organizatat e institucionet ndërkombëtare në përputhje me Marrëveshjen e Brukselit në mënyra të caktuara dhe me institucionet e Prishtinës, pa rrezikuar sovranitetin dhe pavarësinë e Republikës së Serbisë.
Së dyti, nuk ka dyshim se Beogradi nuk ka asnjë lidhje me ngjarjen. Siç e shihni nuk ka asnjë provë apo spekulim se mund ta kemi bërë ne.
E treta dhe më e rëndësishmja, është se Beogradi nuk u ngut ashtu si Prishtina për të akuzuar dikë, por do të presë”, tha presidenti serb.
Vuçi theksoi se pretendimet e Kosovës për sulmin në kanalin Ibër-Lepenc janë të kota pasi nuk kanë lidhje në të.
