Kryetari i PD-së, Sali Berisha kishte një propozim sot për Niko Peleshin. I tha që ta lejonte të shkonte në mbledhjen e grupit socialist për t’u thënë të vërtetat. Theksoi se socialistët janë në luftë të brendshme dhe presioni i Ballukut mbi Spiropalin, bëri që kjo e fundit t’u heqë fjalën demokratëve në sallën e Parlamentit.
“Përfshirë edhe burrin strategjik të Olta Xhaçkës, Artan Gaçin. Nuk ka më asnjë lloj morali dhe etike, por vetëm qëllime kriminale. Unë bëra një propozim bizar sot, i thash atij kryetarit të grupit parlamentar (Niko Peleshit) që të vij unë t’ua them (socialistëve në mbledhjen e grupit). Niko të vij une ne mbledhje se perfaqesoj une elektoratin socialist, jo ti.
Ata zihen atje “pse ia lejove këtë apo atë opozitës”, Lubi Balluku, Lubi Loti, Balluku mos e thërrisni më. Janë në shkërrmoqe, janë në një betejë të brendshme dhe unitet me krimin nuk ka. Koha do të provojë sesi këta do të pësojnë disfatën më të thellë në 11 Maj” tha ai.
