Policia ka zbardhur skemën e trafikimit të personave për të shpërndarë drogë në Europë. Sipas policisë janë arrestaur katër persona, si dhe një tjetër është shpallur në kërkim.
Personat e arrestuar janë : M. P., 27 vjeç, lindur dhe banues në Harkov, Ukrainë, N. K., 23 vjeç, lindur dhe banues në Kiev, Ukrainë; O. T., 24 vjeç, lindur dhe banues në Minsk, Bjellorusi; M. S., 22 vjeçe, lindur dhe banuese në Kiev, Ukrainë. Në kërkim K. M., 35 vjeç, banues në Poloni.
Gjithashtu, janë shoqëruar dhe 19 shtetas ukrainas, të moshës nga 18 deri në 26 vjeç, të cilët kanë qenë viktima të kësaj veprimtarie kriminale dhe janë kryer veprime procedurale me qëllim dokumentimin ligjor të kësaj veprimtarie kriminale.
Në cilësinë e provës materiale u sekuestruan 18 laptopë, 23 pasaporta udhëtimi, 4 karta ID dhe 23 aparate celularë, të cilat do t’i nënshtrohen ekzaminimeve të mëtejshme laboratorike në Institutin e Policisë Shkencore në Tiranë.
Vlorë/ Trafikonin ukrainas për të shpërndarë drogë, arrestohen 4 persona
