Dy persona kanë humbur jetën në Tiranë si pasojë e një rrjedhje gazi, dyshohet nga një bombol ngrohjeje. Ngjarja tragjike ndodhi më 19 dhjetor 2024, në rrugën “Marije Kraja”, kur pronari i banesës, Altin Maksuti, dhe një i afërm i tij, Vladimir Bengu, u gjetën të pajetë në banesë.
Ata dyshohen se janë asfiksuar nga gazin, ndërsa trupi i tyre u gjet nga familjarët, pasi nuk iu përgjigjën thirrjeve telefonike. Maksuti jetonte në Greqi dhe kishte ardhur në Shqipëri për të kryer disa riparime me të afërmin e tij.
Grupi hetimor ka nisur punën për të zbardhur rrethanat dhe shkakun e këtij incidenti tragjik, ndërkohë që autoritetet po zhvillojnë hetime të thelluara për të sqaruar shkaqet e këtij aksidenti fatal.
