Pas përfundimit të seancës në Kuvendin e Kosovës, kryeministri i Kosovës, Albin Kurti, dhe kryeministri i Shqipërisë, Edi Rama, janë nisur për në objektin e Qeverisë së Kosovës për një takim. Gjatë rrugës, Kurti e ka befasuar Ramën me një pyetje lidhur me zgjedhjet që do të mbahen në Shqipëri.
Kryeministri kosovar ka pyetur Ramën nëse Sali Berisha dhe Ilir Meta do të garojnë në zgjedhje. Rama i është përgjigjur shkurt: “Po mo, nuk pengon asgjë”. Pas kësaj, biseda ka vazhduar pa mundur të kapet nga mediat, por momenti i pyetjes ka ngjallur interes dhe ka tërhequr vëmendjen.
