Policia Rrugore e Tiranës ka vënë në pranga pesë shtetas për shkelje të rënda të rregullave të qarkullimit. Tre prej tyre, B.V. (53 vjeç), B.Sh. (36 vjeç) dhe S.G. (37 vjeç), u arrestuan pasi u kapën duke drejtuar automjetet në gjendje të dehur. Dy të tjerë, A.Xh. (37 vjeç) dhe P.H. (45 vjeç), shkaktuan aksidente, ndërsa P.H. iku nga vendi i ngjarjes pas përplasjes.
Një tjetër ngjarje tronditëse ndodhi me K.L. (20 vjeç), i cili përplasi një motor dhe lëndoi rëndë drejtuesin e tij, A.C., i cili aktualisht është në spital. Po ashtu, E.A. (49 vjeç) u arrestua pasi shkaktoi një aksident fatal më 23 dhjetor 2024, në aksin Vorë-Rinas, ku humbi jetën shtetasi Q.H. Materialet e hetimit i kaluan Prokurorisë për veprime të mëtejshme.
