E ndërsa kanë kaluar disa ditë nga zjarri që përfshiu pallatin e ndërtuar nga kompania “Arlis” pranë QSUT-së në Tiranë dyshimet po kristalizohen mbi shkaqet.
Burime mediatike pohojnë se zjarrfikësja ka përfunduar ekspertizën duke e dorëzuar në prokurori.
Shërbimi zjarrfikës ka arritur në konkluzionin që shkak i zjarrit janë faktorë të jashtëm. Bie pista që të ishin fëmijët apo një shkëndijë elektrike.
Zjarri nga pamjet nis nga kartonët ku janë hedhur mbeturinat por mister mbetet shkëndija. Ende nuk ka asgjë zyrtare nga institucionet.
Pallati u dogj dhe shumë familje kanë përfunduar në rrugë. Kryeministri Rama tha se ndërtuesi i pallatit, firma ‘Arlis’ do ta riparojë, deri atëherë 40 mijë në muaj do të jetë qiraja e mbuluar nga bashkia Tiranë për familjet e prekura.
