Në mbledhjen që u zhvillua ditën e sotme nga kryeministri Edi Rama në selinë rozë me drejtuesit politik bëhet me dije që së shpejti do të nisë turi i diasporës në Greqi dhe Itali.
Rama ka vendosur që disa prej drejtueseve politikë të qarqeve ti dërgojë në Itali dhe në Greqi ku ka shumë shqiptarë.
Drejtuesi politik i Vlorës, Bledi Çuçi së bashku me kryetarin e bashkisë Ermal Dredha pritet të nisen së shpejti në Athinë. Gjithashtu së bashku me ta do të jenë edhe drejtuesja politike e Gjirokastrës, Mirela Kumbaro dhe kryetari i bashkisë, Flamur Golemi.
Ndërkohë takimeve me diasporën pritet t’i rikthehet edhe kryeministri Rama në kuadër të zgjedhjeve të 11 majit.
