Studentët e Universitetit të Beogradit kanë rinisur protestat, duke bllokuar pikat kryesore të qarkullimit në kryeqytetin serb. Protesta u zhvillua pas incidentit tragjik të ndodhur më 1 nëntor në Novi Sad, ku një tendë u shemb dhe la të vdekur 15 persona. Studentët, duke kërkuar përgjegjësinë e institucioneve, bllokuan unazën e Mostarit dhe autostradën ndërkombëtare, duke paralizuar trafikun deri rreth orës 15:00.
Protesta nisi në orën 13:00 para Pallatit të Drejtësisë dhe studentët kërkuan një reagim më të shpejtë dhe të drejtpërdrejtë nga prokuroria, që sipas tyre ka vonuar hetimet. Ata theksuan se reagimet e institucioneve janë të ngadalshme dhe shpesh të pamjaftueshme. Krah studentëve, protesta është mbështetur edhe nga opozita, lëvizjet civile, aktivistët dhe fermerët, që kërkojnë dorëheqjen e autoriteteve lokale dhe qeveritare, përfshirë kryetarin e Novi Sadit dhe kryeministrin, si dhe ndjekjen penale të personave përgjegjës për tragjedinë.
