Kreu i Partisë Demokratike, Sali Berisha, e ka cilësuar si “moment kyç” nisjen e mandatit të Marco Rubio si Sekretar i Shtetit të SHBA-së, duke i uruar sukses në këtë mision. Ai vlerësoi këtë periudhë si shumë të rëndësishme për diplomacinë amerikane dhe aleatët e SHBA-së.
Në një postim në platformën X, Berisha shtoi se sot ishte një ditë e vështirë për “të majtën ekstreme marksiste” të mbështetur nga George Soros, duke lënë të kuptohet se ky ndryshim do të ndikonte në politikën ndërkombëtare.
Postimi i plotë:
Lajm i madh! Sot nis mandati i Marco Rubios si Sekretar i Shtetit të SHBA-së!
Një moment kyç për diplomacinë amerikane dhe aleatët tanë.
Sot është një ditë e vështirë për të majtën ekstreme marksiste të mbështetur nga Soros. I uroj Sekretarit Rubio çdo të mirë në misionin e tij!
