Drejtori i shërbimit zjarrfikës, Arben Cara, ka diskutuar për shkaktarët e shtuara të zjarreve në objekte banimi në Shqipëri, duke theksuar se pakujdesia e njerëzve është një nga arsyet kryesore.
Sipas tij, përdorimi i materialeve të dobëta të ndërtimit mund të përhapë zjarrin me shpejtësi dhe të shkaktojë pasoja fatale.
“Së pari pakujdesia e njerëzve, dhe më pas materiale e zhvillojnë zjarrin, nëse materiali është i dobët zjarri përhapet me shpejtësi. Kur temperaturat janë të ulëta ti vendos të gjitha pajisjet eklektike, qoftë edhe një karikues telefoni mund të shkaktojë shkëndijë elektrike dhe të shkaktojë zjarr. Në shumicën e rasteve nuk ka edukim te qytetarët shqiptarë se si të reagojnë ndaj zjarrit, sepse mungon literatura dhe broshura për këtë gjë”, tha Arben Cara.
