Gjykata e Posaçme i ka kthyer SPAK-ut për plotësim hetimet për deputetin demokrat Asllan Dogjani, i cili u akuzua nga prokuroria për deklarim të rremë të pasurisë në lidhje me një apartament.
SPAK e mori të pandehur dhe e akuzoi demokratin për një apartament 128.4 m2 në rrugën ‘Hamid Shijaku’ në Tiranë, që sipas organit të akuzës deputeti e bleu 112 mijë euro cash, por në ILDKPI e deklaroi sikur e përfitoi nga konsulencat juridike që i ka dhënë shoqërisë së ndërtimit ‘Protial’.
Gjyqtarja paraprake që mori dosjen në dorë ia ktheu SPAK-ut për të plotësuar hetimet duke i lënë afat dy muaj të tjerë.
