Kryeministri Edi Rama, gjatë pjesëmarrjes në Samitin e Pakteve të Qyteteve të Lira, theksoi se Tirana ka nxjerrë shumë mësime nga qytete të zhvilluara si Barcelona dhe Amsterdam, duke përmendur zhvillimin urban dhe arkitekturën e këtyre qyteteve.
Ai shprehu se Tirana është ende në fillimet e saj për sa i përket arkitekturës bashkëkohore dhe ka shumë për të zbuluar.
“Barcelona është një klasë e hapur për të marrë mësim për qasjen e zhvillimit urban dhe te bukurës në arkitekturë. Nuk mund të mos kujtoj dhe eksperiencën në Holandë. Në Amsterdam kemi pasur dëshirën e madhe për të mësuar për zhvillimin urban. Të drejtosh një qytet ka mundësinë dhe kënaqësinë e veçantë që të mësosh nga eksperiencat e të tjerëve në mënyrë indirekte”, – tha kryeministri.
Rama gjithashtu theksoi se ky është vetëm fillimi i një periudhe të re zhvillimi dhe përparimi për kryeqytetin shqiptar.
“Më vjen mirë që në Tiranë kemi mirëpritjen tonë për perëndimorët. Duket se çfarë po ndodh dhe është fillimi i një gjerdani i arkitekturës bashkëkohore në Tiranë. Është e pamundur të pretendosh se njerëzit mjaftohen me çfarë i ofron qyteti”, – tha Rama.
