Gjykata e Posaçme ka dënuar me 10 vite burg Aleksandër Lahon ose Rrumi i Shijakut, i cili akuzohet për korrupsion.
Ai akuzohet se i ka dhënë zyrtarit të avokatit të shtetit Irgen Kërçukut 600 mijë lekë dhe i kishte premtuar edhe 300 mijë të tjera. Laho i ka dhënë këto në mënyrë për të mos apeluar një çështje pronësie që lidhej me tjetërimin e 45 mijë metrave katrorë tokë publike në Gjirin e Lalzit.
Ai vazhdon të jetë ende në kërkim ndërsa avokati i tij ka pretenduar se ndodhet në gjendje të rënduar shëndetësore për shkak se pas atentatit në Shqipëri në vitin 2019 nuk mori ndërhyrjen e duhur mjekesore dhe nga plumbat ka mbetur i dëmtuar, duke i gjymtuar edhe një këmbë.
