Një aksident në Brazil i ka marrë jetën dy personave, pasi një avion i vogël ra mbi një autobus gjatë tentativës për një ulje emergjente në një rrugë në Sao Paulo, raportojnë mediat lokale.
Avioni i vogël u përplas me disa mjete në rrugën e ngarkuar Marques de São Vicente në Sao Paulo, Brazil, rreth orës 7:20 të mëngjesit.
Media lokale G1 raportoi se fatmirësisht autobusi ishte pa pasagjerë në momentin e përplasjes ndërsa janë konfirmuar dy viktima dhe dy të plagosur. Një ekip zjarrfikësish gjeti dy trupa të djegur brenda avionit, sipas gazetës.
