Një 63-vjecar nga fshati Markat i Bashkisë Konispol, është gjetur i vetëvarur në Igumenicë te Greqisë.
63-vjeçari Tafil Tushaj është gjetur i varur në një pemë në zonën pyjore mbi shkollën e Igumenicës.
Sipas mediave greke, 63-vjeçari, i cili ishte kërkuar nga familjarët që prej mëngjesit të së dielës, është gjetur rastësisht nga dy motorista paraditen e djeshme, të cilët kanë njoftuar policinë.
Në vendngjarje kanë mbërritur forcat e policisë dhe urgjenca mjekësore, por tashmë ishte tepër vonë për 63-vjeçarin.
