Kryetari i bashkisë së Tiranës, Erion Veliaj kaloi mbrëmë natën e parë në qeli. Me urdhër të SPAK-ut u arrestua dje në zyrë, por çfarë ndodh tani me bashkinë e Tiranës? A do të kemi zgjedhje të reja? A do të japë dorëheqjen Erion Veliaj? Apo do ta shkarkojë kryeministri Edi Rama? Cilët janë skenarët?
Skenarët për drejtimin e Tiranës
- Veliaj është kryetar bashkie deri në një dënim të formës së prerë.
- Rama mund ta shkarkojë, por GJK ka vendosur rregulla strikte me rastin e Zef Hilës, nuk shkarkohet me një të rënë lapsi. Nëse Rama e bën, shkojmë në zgjedhje të parakohshme.
- Nëse Veliaj jep dorëheqjen, shkohet në zgjedhjet të parakohshme. (Jo më herët se 30 ditë e jo më vonë se 45 ditë nga njoftimi i Presidentit)
- Veliaj mund të delegojë vetë tek një prej nënkryetarëve të bashkisë kompetencat e kryetarit.
- Këshilli Bashkiak mund të mandatojë një nga 3 nënkryetarët (Anuela Ristani, Andi Seferi dhe Keti Luarasi) për të kryer detyrat e kryetarit derisa çështja e tij merr drejtim ligjor.
