Deputetja e Partisë Demokratike Jorida Tabaku në rrjetin e saj social ka reagoi me anë të një video për mbylljen e seancës së sotme parlamentare.
Tabaku shprehet se Parlamenti e mbylli seancën me nxitim duke shmangur debatin për arrestimin në aferën korruptive të Erion Veliajt. Ajo thotë që kjo skemë e mirëfilltë pastrimi parash e ka çuar sot kryetarin e bashkisë së Tiranës përpara drejtësisë.
“Kjo nuk është histori e re. Është një sistem korrupsioni i ngjashëm me atë të inceneratorëve, një skemë që ekziston vetëm në letra dhe në xhepat e pushtetarëve”, thotë Tabaku.
Ajo nënvizon se çdo biznes që kishte marrëdhënie me bashkinë detyrohej të kontribuonte në këtë sekemë abuzimi.
“Gjithçka për të cilën Erion Veliaj ka akuzuar kundërshtarët e tij, e ka bërë vetë. Sot ai duhet të japë llogari për mëkatet e tij politike dhe financiare. Nga inceneratorët e deri tek çdo aferë tjetër korruptive, asgjë nuk do të harrohet”, përfundoi Tabaku.
