Tre persona të shpallur në kërkim janë arrestuar nga Policia e Tiranës, të akuzuar për vjedhje, kanosje dhe shitje narkotikësh.
Mësohet se specialistët e Seksionit për Hetimin e Krimeve në Komisariatin e Policisë Nr. 5 kanë ndaluar M. K., 20 vjeç, pasi ai ishte dënuar me 6 muaj burg nga Gjykata e Tiranës për veprën penale “Vjedhja”.
Po ashtu, është arrestuar E. B., 33 vjeç, banues në Durrës, i cili ka marrë masën e sigurisë “Arrest në burg” nga Gjykata e Durrësit për veprat penale “Kanosje”, “Shkatërrim prone” dhe “Prodhim e mbajtje pa leje e armëve të gjahut apo sportive”. Gjatë kontrollit, E. B. iu sekuestrua një sasi kanabis.
Në një tjetër operacion, specialistët për Hetimin e Krimeve të Komisariatit të Policisë Nr. 6 arrestuan R. L., 31 vjeç, pasi Gjykata e Tiranës i kishte caktuar masën e sigurisë “Arrest në burg” për “Prodhim dhe shitje narkotikësh”.
Materialet procedurale u kaluan Prokurorisë për veprime të mëtejshme.
